如何欣賞電影節?
第一届銀幕香港電影節2023會幾時同喺邊度舉行？
第一届銀幕香港電影節2023將會喺4月28到30號期間，喺Starlight Whittier Village Cinemas 劇院舉行。點樣可以買飛？
電影節套票只可以喺網頁上買到，而唔可以現場購買。所有嘅網上購買將會收取服務費，網頁上嘅“買飛”掣啓動之後，你就可以喺網上完成購買。買飛成功之後，你會收到一封内附電子飛嘅電郵。請帶同你嘅電子飛（打印/電子版）入場。詳細咨詢請參閲https://www.hkonscreen.org/festival。電影節飛要幾錢啊？
單場放映戲飛每張$18。你亦可以選擇電影節套票，只需要$130就可以任意進入所有放映場次。買咗有冇得退錢？
所有戲飛都係不設退錢。如果有場次取消，我哋可以安排換飛。有冇實體電影節節目表？
冇。不過你可以喺呢度睇到。如果想資助電影節，可以點做？
銀幕香港電影節一直希望可以同有共同理念嘅同路人保持緊密聯繫，同時令我哋嘅社群成長。請電郵到info@hkonscreen.org 聯絡我哋嘅發展總監。點樣可以做電影節義工？
如果你有興趣幫手，請到 呢度 報名。如果現場需要求助，可以點？
現場會有義工回答你嘅問題。如果冇呢班義工犧牲時間幫手，今次電影節係無可能辦成。所以求助時請保持耐性并感謝佢哋嘅努力。開場前會唔會有預告？
開場前唔會有任何預告，電影將會喺預定時間五分鐘内開始。不過，主辦方無法保證電影會準時放映。電影完咗會唔會有映後談？
部分放映結束之後會安排專業人士同大家映後談。詳情請參閲我哋嘅節目表。我入場會有咩内容？
除咗會睇到喺電影節以外好少機會喺大銀幕上映嘅精彩電影，亦會有嘉賓問答環節，回到利舞臺VR，同好多嘅歡樂！應該幾早到場？
建議開場前起碼預留30分鐘。觀衆會根據套票同單場戲飛分開兩種入場方式，套票觀衆將會喺放映前30分鐘開始入場，遲到嘅套票觀衆會加入買單場飛嘅隊伍並喺放映前15分鐘以先到先得形式入場。我需要帶咩入場？
套票觀衆：只需要帶你嘅套票。記得去前檯領取印有你名同條形碼嘅實體套票。持有打印好嘅確認信息亦可以入場。
單場戲飛觀衆：無論打印好嘅戲飛定用你手機上嘅QR Code都可以入場。每張飛只可以睇相應嘅場次。