銀幕香港為你呈獻
首屆電影節

2023年4月28至30號

20部電影 — 15場放映— 3個城市
洛杉磯 • 北加州灣區 • 聖地牙哥

銀幕 • 香港 向你隆重呈獻，首届銀幕香港電影節將於4月28至30號，於Starlight Whittier Village Cinema 舉行，届時將會公映8套劇情電影，2套記錄片，以及8套經過全球公開徵集選出嘅短片，並藉此向離世20周年嘅哥哥張國榮同梅姐梅艷芳致敬。

鑒於香港持續嘅政治動蕩以及中國對其國際性嘅侵蝕，銀幕香港於2022年成立並集結多名學者、藝術工作者、學生、及各方有志之士，致力維護從香港發出嘅自由聲音，並通過劇院、文化交流同對話推廣香港本土文化。

自成立以來，銀幕• 香港 積極參與/協助各類服務洛杉磯以及周邊地區香港僑民嘅文化活動。當中包括喺戲院同大學（如南加州大學及加州大學洛杉磯分校等）安排放映一系列已經無法喺香港本地取得播放許可嘅獨立電影。同時HKOS Podcast 廣播節目及博客頁，通過網羅電影工作者、學者、社區及電影工業嘅活動資訊，以訪問及報導等形式去展現出香港人獨特嘅國際視野。近期活動包括主辦「影意志」嘅《動態Rolling》支援項目、協辦加州大學電影系列嘅全球香港研究、”Hong Kong: Lost or Found”系列公映，以及支持English Cantopop YouTube頻道嘅開啓。

同好多美國嘅亞裔群體一樣，喺過去三年嘅疫情期間，香港人社群必須面對西方社會越演越烈嘅反亞裔仇恨浪潮，只因爲部分西方社會無法理解香港人身處獨特嘅政治困境，亦無法理解喺民主同法治環境下成長嘅香港人與中國大陸嘅根本區別。

首屆電影節旨在通過各類當代香港獨立電影嘅公映，從劇情片、驚悚片、動作片​​、浪漫愛情喜劇到紀錄片，去呈現香港人、香港文化嘅獨特之處。嘉賓講師以及專家學者均會應邀出席，並設有開幕同閉幕招待會。

銀幕• 香港電影節2023精彩環節包括：

• 巨星隕落20周年，紀念逝去的張國榮與梅艷芳 （緬懷巨星）

烈火青春 届時將會放映關錦鵬導演1987年嘅香港新浪潮經典《烈火青春》、《胭脂扣》，王家衛1990年嘅《阿飛正傳》，以及非主流最愛嘅杜琪峰1993年嘅《東方三俠》。《東方三俠》嘅放映場亦有嘉賓及學者參與映後談。我哋希望藉著放映呢幾套代表香港輝煌時代嘅電影，向幾位巨星對香港影視產業同環球電影嘅卓越貢獻致敬。

• 其次三部近期嘅港產佳作會嘅電影節期間首映，分別有《窄路微塵以及《白日青春》。之前票房口碑俱佳嘅《正義迴廊》亦有安排放映。

• 本届電影節亦嚴選咗徵集自世界各地前衛/學生電影人製作嘅短片向觀衆展示。

• 同Hong Kong XR Museum 合作嘅虛擬實境項目，《回到利舞臺VR》會喺電影節期間展出。

除咗洛杉磯本地嘅節目以外，我哋亦聯同聖地牙哥嘅Hong Konger Club 以及灣區嘅港人群體合辦兩地嘅銀幕• 香港電影節。詳情請到電影節網頁查詢。完整嘅電影節内容請參考電影節網站 https://festival.hkonscreen.org。

關於銀幕• 香港電影節

銀幕• 香港電影節旨在通過電影，社區活動，藝術作品同香港人共享我哋嘅文化同歷史，不論留守定已經離開嘅港人，作爲對呢個國際大都會持續嘅政治動蕩嘅回應。

關於銀幕• 香港

銀幕• 香港創立於2022年，係一間喺洛杉磯地區舉辦各類文化活動例如電影節、展覽，致力於推廣香港藝術、文化、創意嘅非牟利團體。

我哋目標係保留來自香港嘅自由聲音以及透過電影、文化交流及對話推廣本地文化產業。我哋承諾為香港創意工業提供創作平台以致業界能夠同大洛杉磯地區分享佢哋嘅想法同故事。

如果想獲得更多資訊或預約，請Email至info@hkonscreen.org 聯絡Dr. Alan Chan 或 Cathy Lam-Patrie。